Полиция қызметкерлеріне арналған мобильді қосымша
Sergek Qorgau мобильді қосымшасы полиция қызметкерлеріне арналған және құқықбұзушыларды анықтау тиімділігін арттыруға мүмкіндік беретін инновациялық құрал болып табылады. Қосымша бағдарлар бойынша жедел әрекет етуге, көлік құралдарын нақты уақыт режимінде іздеуге, қауіпті жүргізу әрекеттерін анықтауға, құқықбұзушылықтарды тексеруге, сондай-ақ нұсқамаларды жедел беру және анықталмаған көлік құралдары туралы деректерді енгізу арқылы жедел-профилактикалық іс-шараларды жеңілдетуге мүмкіндік береді.

Өнімнің негізгі құндылығы — құқықбұзушылардың қозғалысы туралы ақпаратты ЖБО-ға және планшеттерге автоматты түрде жіберуінде. Бұл қолмен іздеуді және кездейсоқ тоқтатуларды болдырмау арқылы уақытты едәуір қысқартады. Жүйе жол қозғалысы ережелерін бұзуға жедел әрекет етуді қамтамасыз етеді, «жүйелі» құқықбұзушылармен нысаналы жұмыс жүргізуге мүмкіндік береді және патрульдік полиция қызметкерлерінің қызметін бақылауды күшейтіп, олардың жұмысының ашықтығын арттырады.